بسم الله الرحمن الرحيم
المشاركه دى هحط فيه استفسارات بعض الناس و ارائهم و ردودى عليهم و معظم النقاشات دى كانت على موقع فيس بوك
و قررت اعمل المشاركه دى لان لاحظت ان الاسئله بتاعت الناس بتكرر بأستمرار و انا مش قادر معلقش عليها هنقل شويه من اسئلتهم
كوبى باست و ردودى كوبى باست برضو .. واعتذر لو هناك خطأ املائى او قواعدى لانى كنت برد بسرعه .
الرأى اللى اتقال "لقد ظهر الآن البرادعي و أمثاله ، ما هم الا طامعين في الحكم ، لا يهتمون اطلاقا بمصالح الشعب و مصر."
تعليقى "اولا طظ ف البرادعى
ثانيا مش عاوزين نحصر الابطال اللى ف ميدان التحرير على انهم انصارالبرادعى...
مش وقت الكلام ده المهم حسنى يمشى وبعدين فى ناس تنفع اكتر من البرادعى"
الرأى اللى اتقال
"
يا ريت نتكلم بقي بعقل شوية الريس طلع ونفذ معظم مطالبنا. ترشيح ومش هيترشح تاني "
تعليقى " حسبى الله ونعم الوكيل فيك ياللى بتكتب العبارات دى...واضح قدامك مين اللى بيعتدى على مين..
لاتنسوا ان الكلمه امانه قول الحق يا اخى و لا تلعب بالعبارات
دول شوية بلطجيه بيعتدوا على الثوار الاحرار ."
الرأى اللى اتقال " حسبه بسيطة الناس اللى طلعوا فى مظاهرات المليونية ضد مبارك = 8 مليون والشعب المصري 80 مليون اذا يوجد 72 مليون مع مبارك او ع الاقل لسه مش قالوا عايزين ايه ولا مين؟؟"
تعليقى " حضرتك عاوز ٨٠مليون ينزلوا ف نفس الوقت!!!!"
الرأى اللى اتقال " حرام عليكم الريس هيغور فى داهية بس احنا الى هنقعد فيها ..... كفاية كفاية كفاية .... ادعو لمصر ربنا يفرج كربها"
تعليقى " افتكرى 300 اللى ماتوا عشان نعيش
افتكرى مئات المصابين اللى تم ايدائمه عشان الحريه
افتكرى الناس اللى شاركت وبتشارك و بتعرض نفسها للخطر عشانا كلنا
افتكرى نسبة الفقر اللى عدت 40%
افتكرى السرطانات اللى اتسبب فيها الاسمده و المبيدات المسرطنه
هتفتكرى ايه ولا ايه ولا ايه
افتكر احمد عز افتكر يوسف والى افتكرى محمد ابراهيم سليمان افتكرى عاطف عبيد افتكرى العباراه افتكرى قطارات الصعيد افتكرى كرامة مصر اللى تهانت افتركى قانون الطوارئ
افتكرى لو عاوزه"
الرأى اللى اتقال " ادركت وايقنت كل اليقين اننا ابدا لن نتغير
حد يقدر يقوللي السبب الوحيد في اننا عملنا مظاهره اصلا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟"
تعليقى " انا اقولك - قانون الطوارئ اللى بيخلى اى ظابط يسحب اى حد مش عاجبه من الشارع و يقولك قانون طوارئ
-تزوير واضح وصريح للانتخابات و اللى مش عاجبه يخبط دماغه ف الحيط
-رجل قاعد بقاله 30 سنه فى الحكم و عاوز يورث ابنه عشان تبقى مملكة العيله
-رجل فى عهده تراجع وضع مصر خارجيا و انحدرت داخليا
- انتشار الفساد واستشراؤه
- احتكار بعض السلع مثل الحديد لاحمد عز
- تدهور مستوى التعليم
اقولك
-فاكر العباراه السلام ممدوح اسماعيل
-فاكر عاطف عبيد
- فاكر طلعت مصطفى
- فاكر يوسف والى
- فاكر حوادث القطارات
- شايف البلد اللى كل محافظينها لواءات
-شايف الناس اللى مش لاقيه تاكل و ناس تانيه مش عارفه تودى الفلوس فين
- شايف الشعب اللى معظمها عنده الكبد والسرطانات
اقولك ايه ولا ايه انا تعبت و انا بكتب"
الرأى اللى اتقال " محدش يرد ويحسسني اني بقول اني عاوزه او لا
انا مبتكلمش في النقطه دي اصلا
انا بتكلم عن شعب افتكر ان ليه حقوق بعد 30 سنه من الظلم
بتكلم عن شعب مفتكرش ان ليه حقوق غير لما لقي اللي حواليه بيطالبو بيها
بتكلم عن شعب قعد 30 سنه طالع عين اللي جابوه وقاعد عادي
ولما تسأل حد يقولك هنعمل ايه مهي بلد ابوهم يعملو فيها اللي هما عاوزينه
بتلكم عن شعب مفكرش لحظه لحظه
هو ليه هو بقي كده بعد ما كان من اعظم شعوب الارض
انا فاكر كل اللي انت قلت عليه واكتر
بس قارن كده الشعب نفسه ببعضه
وجاوب علي تنفسك
في اي مره كان الشعب ده يستحق واحد يقوده لقدام ويحقق بيه اللي بيتمناه
ياراجل ده احنا كنا بنضرب بعض عشان ماتشات الكوره
انا زي ما فقلت وهقعد طول عمري متأكد من الي بقوله
علي الاقل بالنسبه ليا
لما الاقي نفسي عملت اللي عليا ومخدتش اللي استحقه
ساعتها ها اقف في وش اي حد يكون السبب في اني مخدش حقي
طول منا نايم في بيتنا مستني انها تتعدل لوحدها وبعدين فجأه
تتضرب في دماغي اني اقول اني ليا حق مخدتوش
لا انا مش عاوز الحق اللي هيجيلي وانا نايم في البيت
لانه هيتسرق مني تاني يوم وانا برضه نايم في البيت"
تعليقى " كلامك فى الاول خالص كان معناه انك عاوزه يستمر
عالعموم مش ثورة تونس بس ولو ثورة تونس هى السبب الاكبر ايه المشكله
هو لما اسكت عن حقى خلاص بقى مش بتاعى ؟؟ فى قضايا بتقعد ف المحاكم اكتر من 35 سنه ..
الثورة دى اسبابها حاجات كتير انا قولتها فى رد قبل كده .. و عالعموم هى مش مفاجئه لناس كتير ..
انته عارف البركان قبل ما بينفجر بتسبقه شوية زلازل متفاوته ف القوه
الزلازل دى زى وقفة الشباب ف موضوع خالد سعيد و زى مظاهرات الاخوان و زى حركة 6ابريل و حركة كفايه
شخصيا انا حاسس انك مش عارف انته عاوز تقول ايه ... صحصح يابوصلاح انته املنا امال مين اللى هنمسكه وزارة الاتصالات"
دى كانت اهم الاراء و التعليقات مع الناس على الفيس بوك
اما ف المنتديات
"هم منتفعين فى ظل وجود هذا النظام
فمن الطبيعى ان يساندوه
على العموم هم يعبرون عن انفسهم و عن من يشابهونهم فى وجه النظر" ده كان تعليقى على رأى بيقول ان بعض مشاهيركرة القدم بيشاركوا فى تأييد الرئيس
"كل القنوات لها اهداف
جزيره -تلفزيون مصرى - بى بى سى - سى ان ان -العربيه -الحره
انا شخصيا بتفرج على كله
و الجزيره اكثرهم احترافيه و كفاءه هى بتنقلى الصوره و ربنا ادانى عقل اقيم بيه
الصوره و الحدث ..
اما التلفزيون المصرى للاسف هدفه مش مصلحة الشعب
قناة العربيه لها تغطيه جيده الى حد كبير" ده تعليقا على خبر يهاجم قناة الجزيرة
"فيلم هندى بايخ
و للاسف المدام هناء سمرى اللى اتضررت من مبارك و الشريف
ارتضت ان تكون درعا يحميهم ..
للاسف ياهناء انك تواصلين الانحدار " ده كان تعليقى على استضافه قناة المحور لصحفيه تعمل ف مؤسسه حكوميه ادعت انها من مؤسسى التظاهرات وانها تدربت ف اميركا و اسرائيل
"اراء محبطه جدااا
هو مين رايح يضرب مين ؟؟
هو مين اللى اتقتل منهم 300 واحد؟؟
هو مين اللى اتصاب منهم بالمئات ؟؟
هما مين اللى عرضوا نفسهم للايذاء عشان الحريه ؟؟
اكيد مش الجماعه اللى شفناهم النهارده راكبين جمال و عربات كرو و فى ايديهم سيوف و سنج و مطاوى
و اكيد مش الجماعه اللى كانوا بيرموا الطوب و المولوتوف على الناس .
يا جماعه الكلام ده مش شعارات
انا عارف فى ناس بتحب الرئيس لكن اللى راح يضربوا ف الناس المسالمين اللى ف التحرير
شوية بلطجيه و بعض رجل الشرطه للاسف ..
انا كنت متعاطف ومتوسم خير من الخطاب بتاع الرئيس و قولت الحمدلله نسبه كبيره من المطالب بتحقق
لكن النهارده شوفت تفكير وزير الشرطه الجديد و اشعر ببعض التواطؤ من الجيش
دلوقتى انا اقل اطمئانا ..لما قد تؤول اليه الاحداث
يارب احنا عاوزين الخير لمصر ... ربنا قدرلنا الافضل لنا" ده كان تعليقا على مجموعه من الاراء المحبطه و المؤيده للنظام بشكل كبير
اسيبلكم الصوره دى و هى مأخذوه من مدونة اخونا احمد عبدالعزيز و قد قام بنشرها من منذ فتره كبيره
و ده لنك تدوينة احمد اللى نشر فيها الصوره هنا
بعتذر لو حد متضايق من الالوان المتدخله و التى قد تكون غير متناسقه لكن بس عاوز افصل بين الاراء و التعليقات
