بسم الله الرحمن الرحيم
نفسى ان كل واحد يقول رأيه مش رأى واحد تانى ؟؟
حد فكر يقفل صوت المذيع ؟؟ و يتفرج على الصوره و يقيمها؟؟
جرب و هتلاقى الصوره مختلفه كتير عن رأى المذيع
وانته بتسمع المذيع على الفضائيات المصريه ؟؟
- تذكر انه لديه سيارة فارهه و حساب ف البنك
-تذكر انه بنفوذه الاعلامى لا يتعرض لمضايقات من الشرطه
و انته بتسمع العوالم او من يسمون الفنانين
- تذكر انه لديهم حسابات بنكيه
- يحظوا ب اهتمام اعلامى
- ينعموا بالملاييين مقابل تقديم المساخر
- افتكر المعامله الراقيه لهم من الشرطه
و انته بتسمع الارجوزات بتوع الكوره
-افتكر الفيلل
- افتكر الملايين
- افتكر المساحات الاعلاميه
- افتكر المعامله الراقيه لهم و معظمهم لم يتحصلوا على دبلوم
-افتكر المعامله المميزه لهم من الشرطه
فى ناس كتير عاوزه مبارك ؟؟ لا انكر ذلك
لكن 90% فى الميه منهم عندهم حسابات ف البنوك
ينعمون بمعيشه راقيه و فارهه جدا لديهم اقرباء ف الشرطه
و هناك 10% لا يحبون التغيير يخشون من القادم لا يؤمنون المستقبل
يميلون الى الخنوع و الاستكانه
عاوزاهمس ف اذنك ان الوزراء اللى عملوا كوارث هما اكثر الوزراء تعميرا ف الوزارات اى انهم بناء على رغبة السيد الرئيس
من امثلتهم الاخ يوسف و الى وزير الزراعه اللى دخل المبيدات المسرطنه و الاسمده المسرطنه من اسرائيل
اللى ميعرفش يبحث ف جوجل يشوف قعد كام سنه ؟؟
هل تعلم ايه و لا ايه و لا ايه ؟؟ 90 الف كارثه جايه على بالى حصلت ف عهده
1-حوادث القطارات و السيارات فى كل مكان و تكررت كثيرا فى عهده
و مننساش عبارة السلام حد فاكرها ؟؟؟
2-استشراء الرشوه و المحسوبيه و الواسطه
3- التزوير المتكرر للانتخابات ؟؟
4-الاحتكارات زى احتكار عز للحديد و السمسره و الانتفاع من المناصب زى محمد ابراهيم سليمان وزير الاسكان السابق
الخلاصه ايه لانى لو قعدت اكتب على الكوارث اللى ف عهده مش هخلص ف يومى .
الخلاصه اننا صبرنا كتير على النظام ده و الرجل ده عارف فى واحد ذكى دلوقتى هيقولى انه مكنشى يعرف
احب اقولك انه لو مكنش يعرف ... يبقى ايه ؟؟ مش عاوز اعلق عشان مزفرش لسانى
واحد تانى هيقولى ده حارب فى اكتوبر ؟؟ هو عشان حارب ف اكتوبر يحكم مصر 30 سنه ؟؟
ياريت يا جدعان اللى يقول كلمه يتقى الله فيها
و هو مبيحبهاش اكتر منى
لو كان هو رئيسها 30 سنه .. فأنا ابنها للابد
