ايام من حياتى: وحشتونى وحشتونى وحشتونى

الاثنين، 25 أبريل 2011

وحشتونى وحشتونى وحشتونى

بسم الله الرحمن الرحيم

بقالى فتره كبيره معملتش اى تدوينه هنا فحاسس شويه بالغربه و انا بكتب رغم ان افكار تدوينات كتير بتيجى فى بالى طول الوقت خصوصا فى المواصلات ,, و بتندم كتير انى مبيبقاش معايا ورقه اسجل فيها الفكره ... لكن ياللا كله خير بإذن الله

الواحد كان بيستغرب لما مقدم برنامج فى التلفزيون يكلم الجمهور و يقول " وحشتونى او بحبكم او اى كلام من النوعيه دى " لكن دلوقتى انا مش مستغرب خالص فعلا حاسس بحنين للكتابه هنا ...

طبعا بحب اشكر كل الناس اللى كان لها ملاحظات على كل بوست و كل واحد رديت على ملاحظته ووصله الرد و سعيد بالتواصل بينا

....

اخواتى اللى طلبوا انى افتح التعليقات انا بعتذر لهم مش هاقدر انفذ طلبكوا ده

لكن ممكن اشوف طريقه تانيه للتواصل و ارسال التعليقات و الملاحظات على اى بوست

شكرا لكل الناس اللى شجعتنى و الناس اللى انتقدتنى و الناس اللى معرفش وصلت للميل بتاعى منين و كلمتنى

وحشتونى

مسلم ؟؟ و محتار تسمع كلام الاخوان ولا السلفيين و الازهر و لا الشيعه و لا تمشى من دماغك ؟؟

فى أيه واضحه و صريحه فى صورة الكهف بتقول تعمل ايه بالظبط

وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا

اظن الايه واضحه وضوح الشمس