بسم الله الرحمن الرحيم
الكتالوج هى كلمة انجليزيه "Catalog" .. واضحه و مفهومه لدى الجميع
محدش بيشترى تلاجه او غساله او تلفزيون او موبايل او لاب توب او حتى ماكينه حلاقه الا و بيكون معاه
كتالوج بيحدد طريقة استخدامها و ازاى تحافظ عليها و ازاى تحصل من الشئ ده على كامل المميزات و تتجنب العيوب
....
تناول الناس لمفهوم الكتالوج بيختلف فى ناس مبيهماش الكتالوج و بتبدأ تشغل الحاجه من غير ما تشوف الكتالوج خالص
و بيعتقدوا ان ما فى الكتالوج هو بديهيات و يمكنهم التعامل و فهم الاله - سواء كانت موبايل او تلفزيون ..- بدونها
و فعلا بيشغلوا الحاجه و احيانا كويس .. لكن اول ما بتبوظ او يحصل فيها حاجه بيجروا يشوفوا الكتالوج او يسألوا حد خبير
ف الموضوع و غالبا هو قرا الكتالوج ..
و فى نوع تانى بيقرا الدليل او الكتالوج او النشره حتى لو كان اشترى معجون اسنان و بيشوف يستخدمها ازاى و ممكن يسأل المختص قبل ما يستخدمها .. غالبا النوعيه هذه من الاشخاص يحافظون على الشئ الى اكبر وقت ممكن و يعمل لديهم بطريقه كبييره ...
لاشك ان هناك اشياء بديهيه و لا تحتاج لكن اذا كان لديك اله غاليه او مهمه اعتقد يتحتم عليك قراءة الكتالوج و الاستعانه بمن يساعدك على فهم كيفية ادارة هذا الأله حتى تحظى بالنفع منها و تحقق ما تريد
اذا كانت الاله مثلا تلفاز .... اوكى ربما لن يهمك كثير فتسطتيع التعامل معه فلديك خبره كافيه لاستكشافه
اما اذا كان موبايل مثلا نوكيا 3310 .... ستطتيع فهمه بسهوله
اذا نو كيا 5800 مثلا ..... اعتقد ربما تحتاج الى قراءة الكتالوج او نصائح خبير
اذا عربيه اى نوع .... ستحتاج الى من يعلمك القياده
اذا كان روبوت ........ اممممممم حتما ستحتاج كتالوج و لاشك
من افضل من يمكن ان يشرح و يصدر كتالوجا عن سلعه او صناعه ؟؟
لاشك ان صانعها افضل من يمكنها معرفة ذلك تماما
اذا تعاملنا مع الانسان على انه اعظم Robot او افضل ماكينه لانه اكثرهم تعقيدا
الا يجدر بنا ان نهتم بقراءة و معرفة كتالوج هذا الانسان و كيف يدار
الا يجدر بنا الاهتمام بأنفسنا من خلال معرفه ما ينفعنا و ما يضرنا و ما يمكن به ان نصل للافضل
اوكى احنا عاوزين نبقى الافضل اى كتالوج نتبعه و نقراه و نشتغل بيه ؟؟
متفقين ان افضل من يصنع الكتالوج هو صانع الشئ و مبتكره ...
دينك هو كتالوج تشغيلك .. لتحصل على اقصى مميزاتك و تتجنب سوء اسخدام نفسك و تكون الدنيا اسهل
